Doutora en Ciencias da Comunicación e profesora titular do Departamento de Ciencias da Comunicación da Universidade de Santiago de Compostela. As súas liñas de investigación e de docencia céntranse no estudo das audiencias, a circulación de produtos audiovisuais e os consumos informativos,  a estrutura televisiva e audiovisual, os informativos en televisión ou as televisións locais, entre outras temáticas. No eido profesional dirixiu os espazos informativos de Televisión Lugo, dirixiu e presentou o programa “Os nosos pobos” en TVE-Galicia, foi coordinadora de contidos da Produtora Ophiusa, S.L. e directora xeral adxunta de Interdix Galicia, S.L., promotora do portal www.galiciadixital.com.